இந்தியாவில் PUBG மொபைல் ரசிகர்களுக்கு, ஒரு மகிழ்ச்சியூட்டும் செய்தி காத்துக்கொண்டிருக்கிறது. பெயர் வித்தியாசமாக இருந்தாலும், இந்த விளையாட்டு செயலி விரைவில் சந்தைக்கு வரக்கூடும். தென் கொரிய வீடியோ கேம் நிறுவனமான Krafton, இந்தியா சந்தைக்கு ‘Battleground Mobile India’ என்ற புதிய விளையாட்டை அறிவித்துள்ளனர். இந்த புதிய விளையாட்டு செயலியின் டிரெய்லரை வெளியிட்டுளள்னர். இந்த டிரெய்லரை பார்க்கும் பொழுது கடந்த ஆண்டு செப்டம்பரில் தடை செய்யப்படுவதற்கு முன்னர் நாட்டில் மிகவும் பிரபலமாக இருந்த PUBG போன்றே உள்ளது.
Krafton வெளியிட்டுள்ள செய்திக்குறிப்பில் , “Battleground Mobile India ஆடைகள் மற்றும் அம்சங்கள் போன்ற பிரத்யேக விளையாட்டு நிகழ்வுகளுடன் வெளியிடப்படும், மேலும் போட்டிகள் மற்றும் லீக்குகளுடன் அதன் சொந்த eSports ecosystem அமைப்பைக் கொண்டிருக்கும்” என்று கூறியுள்ளனர். ஸ்மார்ட்போன்களில் இலவசமாக விளையாட இந்த விளையாட்டு கிடைக்கும். இது PUBG போன்ற ஒரு போர் விளையாட்டு ஆகும்.
நிறுவனத்தைப் பொறுத்தவரை, அவர்கள் தொடங்குவதற்கு முன் பதிவுசெய்யும் காலம் இருக்கும். இந்தியாவில் மட்டுமே விளையாட இந்த விளையாட்டு கிடைக்கும், இது PUBG க்கு மாற்றாக இருக்கும்.
கடந்த ஆண்டு கிராப்டன் PUBG செயலியை இந்தியாவுக்கு கொண்டு வர திட்டமிட்டுள்ளதாக ஏற்கனவே தெரிவிக்கப்பட்டது, இருப்பினும் அரசாங்க ஒப்புதல் தேவை என்று தகவல்கள் தெரிவித்தன.தென் கொரிய விளையாட்டு செயலி நிறுவனம் Tencent உடன் இந்திய சந்தைக்கான உறவுகளை துண்டித்துக் கொண்டது, Tencent ஒரு சீன நிறுவனம் மற்றும் சீனாவுடனான தொடர்புகள் காரணமாக பல பயன்பாடுகள் மற்றும் விளையாட்டுகள் இந்தியாவில் தடை செய்யப்பட்டன.
குறிப்பாக இந்திய சந்தையில் மாற்றங்களைச் செய்ய நிறுவனம் திட்டமிட்டுள்ளது என்றும் தெரிவிக்கப்பட்டது. இவற்றில் மெய்நிகர் உருவகப்படுத்துதல் பயிற்சி மைதான அமைப்பும் அடங்கும், மேலும் அனைத்து கதாபாத்திரங்களும் விளையாட்டின் தொடக்கத்திலிருந்தே முழுமையாக உடையணிந்து, இரத்தம் சிவப்பு நிறத்திற்கு பதிலாக பச்சை நிறமாக இருக்கும். முந்தைய அறிக்கைகளின்படி, விளையாட்டு நேரத்திற்கு நிறுவனம் கட்டுப்பாடுகளை ஏற்படுத்தக்கூடும்.
ஒவ்வொரு கட்டத்திலும் கூட்டாளர்களுடன் இணைந்து செயல்படுவதாகவும், தரவு பாதுகாப்பு மற்றும் பாதுகாப்பை உறுதி செய்வதற்கும், “செயலி பயனாளர்களின் தனியுரிமை உரிமைகள் மதிக்கப்படுவதை உறுதி செய்வதற்கும், அனைத்து தரவு சேகரிப்பு மற்றும் சேமிப்பகம் இந்திய சட்டத்திற்கு உட்பட்டு இருக்கும்” இந்த செயல்முறைக்கு கூட்டாளர்கள் யார் என்பது தெளிவாகத் தெரியவில்லை என Krafton கூறியுள்ளது.
Battleground Mobile India எப்பொழுது வெளியாகும்? என்பது குறித்து Krafton நிறுவனம் இன்னும் சரியான வெளியீட்டு தேதியை அறிவிக்கவில்லை. மேலும், அனைவருக்கும் வெளியிடப்படுவதற்கு முன்பே பதிவுசெய்தலுக்கான முன் இணைப்பு இருக்கும். பயனர்கள் Google Play Store அல்லது Apple App Storeல் பதிவு செய்து விளையாட்டு பதிவிறக்கம் கிடைக்கும் வரை காத்திருக்க வேண்டியதிருக்கும்.
